ملحمة إنسان

حبيبي لابغيت انساك وقال القوت لانسيان

يراعيني الزمان شوي ويجمح يوم راعيته


رياح الخوف في صدري تهز العرش والاركان

جبال من جليد الرعب الا مني تناسيته



اردد صرخة الماضي وجرحٍ من زمان كان

وروحٍ طالها الغدار وهي كانت مواليته


فظيعه يالدموع اللي تسابق لحظة الاحزان

وساعات الندم تعبر مجالاتي بتنهيته



اموت برمح في ظهري وصدري منكشف عريان

تكاثرتي اموت بعز بعد مالكون ذليته


انا اللي رد لعيونك عقيد القوم والفرسان

انا اللي حارب العالم لاجل شيٍ تمنيته



اذا قلتي الوعد باكر تعطرت بدم العدوان

وجينك كل مافيني .. دليل اني تحديته


انا اللي قاله التاريخ يموت وذنبه الاحسان

بذلت الروح لعيونك وفيك العمر افنيته



خطاي اني وفيت الحب وعيبي اكره الخوان

واذا جرحي يبي يبرا رجعت بعمد وادميته


نهاري يحتضر والليل يردد ملحمة انسان

كتب شعره على جرحه مؤرخ يوم حبيته



وراسٍ ماحناه الوقت كبيره في الهوى ينهان

وش ينفع صريح الموت لو زانت توابيته


ابي ارحل عن العالم واعيش برحمة المنان
وضلع ماقدرت ارقاه يمينٍ ماتهقويته

تسلم يدك اخوى

وصح لسانك

الله يعطيك العافيه على الابيات الرائعه